Wargeyska Daily Mail ee ka soo baxa dalka Ingiriiska ayaa warinaya in Manchester City aysan qorsheynaynin inay Fernandinho u ogolaato inuu tago, iyadoo kooxda ka arrimisa garoonka Etihad ay u aragto xiddigan inuu muhiim u yahay qolkeeda labiska.
Xiddiga reer Brazil ayaa ku soo bilowday kulankii habeen hore lugta labaad ee afar dhammaadka CHampions League oo ay la ciyaareen Paris Saint-Germain, iyadoo uu muujiyey dadaalkiisa iyo inuu weli sii wadi karo ka ciyaaristiisa gudaha garoonka.
Fernandinho ayaa lagu soo warramayaa in sidoo kale lagu qancin karo inuu ku sii nagaado Kooxda Manchester City kaddib marka uu ka fariistay ciyaaraha, iyadoo kooxdu ay doonayso in hoggaamintiisa ay saameyn ku yeelato ciyaartoyda da’da yar.
