(Dhoobley(Idaacadda Sanguuni). Kooxda kubadda cagta Barcelona ayaa la soo warinayaa inay qarka u saaran tahay inay qandaraas cusub ku abaal-mariso mid ka mid ah xiddigaheeda.
Sergi Roberto ayaa la filayaa inuu qandaraaska u cusboonaysiiyo Kooxda Barcelona, isla markaana uu kordhiyo heshiiskiisa mustaqbalka dhow, sida uu warinayo Wargeyska Sport.
Xiddiga xulka qaranka Spain ee ka soo baxay Akadeemiyadda kooxda ayaa ku sugnaa garoonka Camp Nou waayihiisa ciyaareed oo dhan.
Haatan, Roberto waxa uu u muuqdaa mid diyaar u ah inuu sii dheereysto joogitaankaas, inkastoo ay Barca dhibaato ka haysato gudaha iyo dibaddaba.
