(Dhoobley(Idaacadda Sanguuni). Kooxda Barcelona ayaa hal dhibic kala soo laabatay Garoonka Nuevo Mirandilla oo ay booqatay, kaddib markii ay labada kooxood Cadiz iyo Barca ku kala baxeen barbardhac 0-0 ah, ciyaar qeyb ka aheyd kulammada horyaalka La Liga ee dalka Spain.
Qeybta hore ee ciyaarta ayeey labada kooxood Cadiz iyo Barcelona ku kala nasteen barbardhac 0-0 ah.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 65-aad kooxda kubadda cagta Barcelona ayaa noqotay 10 xiddig oo kaliya maadaama uu F. d. Jong qaatay kaarka roosaha, kaddib markii uu taako u kacay mid ka mid ah xiddigaha naadiga Cadiz.
Ugu dambeyntii ciyaarta ayaa ku dhammaatay barbardhac 0-0 ah ay ku kala baxeen labada kooxood Cadiz iyo Barcelona oo ciyaar aad u xiiso badan ay ku dhax martay garoonka Estadio Nuevo Mirandilla Venue, Blaugrana ayaa haatan kaga jirta booska 7-aad miiska kala sarreynta horyaalka La Liga ee dalka Spain.
