Sevilla ayaa garoonkeeda Ramon Sanchez guul kaga gaartay kooxda Barcelona kulanka lugta hore wareega AFARTA ee Copa del Rey, kaddib markii ay kaga adkaatay 2-0.
Haddaba wargeyska “Marca” ee dalka Spain ayaa wuxuu shaaca ka qaaday wareysi uu bixiyay tababare Ronald Koeman kaddib ciyaarta. Waxaana hadaladiisa ka mid ahaa:
“Waxaan u maleynayaa inaan u qalanay wax intaa ka badan, si fiican ayaan u ciyaarnay, waxaana abuurnay fursado aan goolal ku dhalin karnay.”
“Waxaan ku noolnahay waqti wanaagsan, sifiican ayaan u ciyaarnay, laakiin waxaan la ciyaarnay koox weyn, taasoo leh awood jireed.”
Waxaan helnay fursad, balse waxaa jira “VAR” laakiin waxaan inaan u qalanay in naloo dhigo rigoore”
Intaas kaddib Ronald Koeman ayaa wax laga weydiiyay kulanka lugta labaad ee ka dhici doono garoonka Camp Nou 3-da bisha March ee soo aadan, wuxuuna yiri:
“Waa inaan falanqeyno ciyaarta, waxaana jira kulamo badan oo kahoreyn doona ciyaartaas.”
Si kastaba ha noqotee, kooxdii ku guuleysata inay soo baxdo Seville iyo Barcelona kulanka lugta labaad ee semi-finalka Copa del Rey, ayaa waxay finalka ku wajihi doonaan midkood Levante iyo Athletic Bilbao.
