Dhoobley(Idaacadda Sanguuni)-Madaxweynaha Barcelona ee Joan Laporta ayaa xaqiijiyay inuu weli ka murugeysan yahay Lionel Messi, kaasoo beeca xurta ah ugu biiray Paris Saint-Germain xagaagii 2021, sababa la xiriira inuu ku guuldareystay inuu qandaraaska u cusbooneysiiyo.
Wargeyska Sport ee dalka Spain ayaa daabacay wareysi uu bixiyay Madaxweynaha Barcelona ee Joan Laporta, mar uu ka hadlay Messi ayaa wuxuu yiri:
“Aad ayaan uga murugooday.”
“Messi waxa uu ahaa tiirka Barca 20-kii sano ee la soo dhaafay.”
“Kama hadli kartid taariikhda Barcelona adiga oo aan xusin Messi.”
Madaxweynaha Barcelona ee Joan Laporta oo ka hadlayay bixitaanka Lionel Messi ayaa wuxuu hadalkiisa sii raaciyay:
“Waxay ahayd inaan sameyno wixii aan sameynay, laakiin tani ma saameyn karto aqoonsigeena wax kasta oo uu sameeyay.”
“Waxaan jeclaan lahaa inaan helo tallo ku saabsan waxa aan u baahannahay inaan sameyno, si aan u aqoonsanno dhammaan wixii uu Messi u qabtay Barcelona.”
