Dhoobley(Idaacadda Sanguuni)-Kooxda Tottenham ayaa Garaacday kooxda Man United kulan ka tirsanaa 8 dhamaadka Carabao cup-ka.
Kulanka ayaa ahaa mid ay labada kooxoodba sameeyeen khaladaad waali ah oo sababay goolal.
daafacyada Man United ayaa khal-khal ku bilowday ciyaarta iyaga oo galayay khaladaad waali ah.
Tottenham ayaa dhalisay goolka 1-aad daqiiqadii 15-aad waxana u dhaliyay xiddiga Solanke kaas oo ka faa’iidaystay khaladaadka daafaca United.
Qaybta hore ee ciyaarta ayaa ku dhmaatay sidaas iyada oo kooxda Tottenham hogaaminayso ciyaarta.
Man United ayaa Sii waday khaladaadka qaybta dambe waxana ay taaaai u suurtagalishay Tottenham in ay dhaliso goolka 2-aad waxana u dhaliyay xiddiga Kulusevski kaas oo ciyaarta ka dhigay 2/0.
Solanke ayaa daqiiqadii 54-aad dhaliyay goolka 3-aad ee ciyaarta Waxana uu Ka dhigay 3/0.
Wax walba waxa ay u muudeen in ay Tottenham si dhib yar ku badisay kulanka.
Laakiin Goolhayaha Tottenham ayaa sameeyay Laba khalad oo deg-deg ah taas oo ay Man United ka faa’iidaystay kana dhalisay Laba gool.
Xiddiga Zirkzee ayaa daqiiqadii 64-aad dhaliyay goolka 1-aad ee kooxdiisa waxana uu ciyaarta ka dhigay 1/3.
Xiddiga Diallo ayaa daqiiqadii 70-aad dhaliyay goolka 2-aad ee ciyaarta waxana uu Ka dhigay 3/2.
Laakiin Goolhayaha Man United ayaa isna sameeyay khalad waxana ay taaaai ka caawiyay Xiddiga Son in uu dhaliyo gool koorne toos ah waxana uu ciyaarta ka dhigay 4/2.
Kooxda Man United ayaan niyad jabin waxana gool kale u dhaliyay xiddiga Johnny Evans kaas oo ciyaarta ka dhigay 4/3
Laakiin waxa sidaas ku dhmaatay ciyaarta oo ay Tottenham gaadhay wareega xiga ee tartanka Carabao cup-ka.
