Dhoobleey(Idaacadda Sanguuni)-Daafaca midig ee kooxda Manchester City ee Kyle Walker ayaa bartilmaameed xoogan u ah kooxda 11-ka jeer sida xidhiidhka ah Bundesliga ugu soo guuleysatay ee Bayern Munich.
Daafaca midig ee 33 sano jirka ah oo heshiiskiisa City hal sano ka hadhay ayaa door muhiima ka ciyaaray in kooxdiisu 2022-23 saddexley koobab ah hanatay.
Mudadii toddobada sano ahayd ee uu kusoo qaatay Etihad Stadium ayaa soo dhammaan kara iyadoo wargeyska The Athletic sheegayo in Bavaria isha ku hayaan.
Labada kooxood ayaan wali wax heshiis ahi dhex marin laakiin lama filayo in dhinaca lacagta wax dhib ahi ka yimaado.
Walker ayaa la sheegay inuusan faraxsanayn kaddib markii la fadhiisiyay Finalkii Champions League ee ay Inter Milan la dheeleen.
Tan iyo markii uu Tottenham kaga yimid xagaagii 2016, Kyle ayaa 12 koob kula soo guuleystay Man City waxaana kamid ah shan Premier League iyo Champions League kaddib 254 kulan.
