Dhoobley(Idaacadda Sanguuni)-Isku aadka wareega sideed dhamaadka Carabao Cup ayaa la soo saaray iyadoo ay ka soo baxeen kulamo xiiso leh laakiin waxaa kala badbaaday kooxaha Manchester kawada dhisan ee Man City iyo Man United.
Man United oo ka soo talaabsatay habeenkii Arbacada kooxda Burnley ayaa waxay wareega sideed dhamaadka garoonkeeda Old Trafford ku martiqaadi doontaa kooxda heerka seddexaad ee Charlton.
Halka Manchester City oo reebtay kooxdii difaacaneysay koobkaan ee Liverpool ay wareega sideed dhamadka u safri doonto kooxda Premier League ee Southampton.
Waxaa sidoo kale la isku balamiyay kooxaha Nottingham Forest iyo Wolves halka sidoo kale ay isku aadeen kooxaha Newcastle iyo Leicester City.
Sideeda kooxood ee isagu soo haray koobka Carabao Cup dhamaantood waa kooxo Premier League ah marka laga reebo kooxda horyaalka heerka seddexaad ee Charlton oo la ciyaareysa Manchester United.
Isku Aadka Wareega 8da Carabao Cup
Man United vs Charlton
Southampton vs Man City
Nottingham Forest vs Wolves
Newcastle vs Leicester
Kulamada wareega sideed dhamaadka Carabao Cup waxaa la ciyaari doonaa isbuuca ka bilaabanaya 9ka bisha Janaayo ee sannadka cusub ee 2023ka
