Dhoobleey(Idaacadda Sanguuni)-Mid ka mid ah labada kulan ee caawa laga ciyaari doono horyaalka Premier League ayaa dhex mari doona kooxaha Leeds United iyo Arsenal iyadoo ay baaqdeen illaa iyo afar kulan oo maanta illaa caawa lagu madalsanaa in laga ciyaaro horyaalka Ingiriiska sababo la xiriira kiisas Korona ah oo isa soo taray todobaadkii dambe.
Leeds ayaa dhex maquurraneysa maalmo adag iyadoo si xiriir ah u wajahday Chelsea oo ay barbarro lasoo gashay, Manchester City oo ay guuldarro kala kulantay iyo Arsenal oo ay caawa wajeyso, waxayna haatan leedahay 16-dhibcood iyadoo ku jirta kaalinta 16-aad, dhanka kale, Arsenal ayaa dooneysa inay sii xoojisato booskeeda afaraad iyo dhabbaha guusha oo ay cagta la heshay kaddib labadii guul ee ugu dambeysay, waxayna haatan kaalinta afaraad ku joogtaa 29 dhibcood.
Ogeysiiska Ciyaarta:-
Tartanka: England – Premier League
Saacadda ay ciyaarta billaabaneyso: 08:30 Fiidnimo xilliga Geeska Afrika.
Garoonka: Elland Road
Garsooraha: Andre Marriner (England)
Wararka Kooxaha:
Daniel James iyo Jamie Shackleton ayaa ku biiray diiwaanka xiddigaha ka dhaawacan naadiga Leeds United halka Junior Firpo uu isna ganaax ku seegi doono ciyaarta caawa, taasina waxay ka dhigan tahay in naadiga Macallin Marcelo Bielsa ay weyneyso siddeed xiddig oo safkeeda ka mid ah inkastoo la filayo inuu soo laabto Robin Koch kulankan.
Dhanka kale, Arsenal ayaa la filayaa inaysan weli helin weeraryahankeeda Pierre-Emerick Aubameyang kaasoo jebiyay mid ka mid ah xeer-hoosaadyada naadiga waxayna arintaasi keentay inuu seego labadii kulan ee ugu dambeysay, sidoo kalena laga qaado xilkii kabtannimo ee Gunners.
Xaqiiqooyinka Ciyaarta:-
Leeds United ayaa guul la’aan ah 10-keedii kulan ee ay Arsenal ku wajahday tartammada oo dhantan iyo guushii 3-2 ahayd ee ay Premier League kaga gaartay garoonka Highbury bishii May ee sanadkii 2003, waxaana kaga dambeeyay labo barbarro iyo siddeed guuldarro.
Labadan naadi ayaa Emirates Stadium ku kulmay kulan ka tirsanaa wareegga afaraad ee tartanka League Cup siddeed asbuuc kahor, Arsenal ayaana 2-0 ku adkaatay.
Leeds ayaanan wax ka badan hal gool kaga dhalin garoonkeeda naadiga Gunners 13-kii is arag ee ka dambeeyay guushii horyaalka ka tirsaneyd ee ay 2-1 kaga gaartay 18-kii December 1993.
Gunners oo ciyaareysa Premier League iyadoo ku jirta afarta sare markii ugu horreysay tan iyo bishii October ee sanadkii hore.
Shaxda macquulka ah ee labada koox:-
Leeds United:
Arsenal:
