Dhoobley(Idaacadda Sanguuni)-Barcelona ayaa ugu yaraan isku dayi doonta inay qaab wanaagsan kusoo xidhato ka qayb qaadashadeeda Champions League ee xilli ciyaareedkan kulanka ay caawa martiyayso dhigeeda Victoria Plazen.
Barca ayaa toddobaadkii hore hubaal xaqiiqsatay inay sanadkii labaad oo xidhiidh ah Group-yada kaga hadhayso CL iyadoo ay gudbeen kooxaha Group-ka la wadaagay ee Bayern Munich iyo Inter Milan.
Wararka Labada Kooxood Ee Kulanka Kahor
Barcelona ayaa dhinaceeda ganaax ku waayaysa kabtan Sergio Busquets halka ay dhaawacyo fudud ku seegayaan ciyaartan daafacyada dhexe ee Eric Garcia iyo Jules Kounde.
Weeraryahan Robert Lewandowski ayaan la safrin Barca sababtoo ah xanuun yar oo uu dhabarka ka dareemayo, Sergi Roberto, Christensen, Ronald Araujo iyo Memphis Depay ayaa dhinacooda wali dhaawacyo kala duwan kusii maqan.
Pique iyo Alonso ayaa daafaca dhexe kusoo wada bilaaban doona halka Hector Bellerin iyo Balde ay u badantahay inay garbaha daafaca Barcelona ka dheelaan.
Ferran Torres ayaa doorka weeraryahanka ciyaari kara isagoo la midoobaya Raphinha iyo Fati taas oo la macno ah in Ousmane Dembele sidoo kale la nasin karo.
Shaxaha Macquulka Ah Ee Labada Kooxood
Victoria Plazen (3-4-3): Stanek; Hejda, Pernica, Tijani; Havel, Kalvach, Bucha, Holik; Jirka, Bassey, Vlkanova
Barcelona (4-3-3): ter Stegen; Bellerin, Pique, Alonso, Balde; de Jong, Kessie, Gavi; Raphinha, Torres, Fati
Xogta Kulanka
Tartanka: Champions League
Garoonka: Doosan Arena Plazen
Wakhtiga: 11:00 habeenimo xilliga geeska Africa
Garsoore: Radu Petrescu (Romania)
