Dhoobley(Idaacadda Sanguuni)-Kooxda difaacanaysa Champions League ee Real Madrid ayaa martiyaysa gegida Anfield oo ay ugu tagayso kooxdii ay koobka ka qaaday ee Liverpool.
Labada kooxoodba xilli ciyaareedkan kuma jiraan qaab ciyaareedkii looga bartay, Los Blancos ayaa siddeed dhibcood lagaga hayaa hoggaanka La Liga halka Reds aysan xataa kaalmaha Yurub loogu soo baxo kaga jirin Premier League.
Wararka Labada Kooxood Ee Kulanka Kahor
Firmino ayaa kasoo hormari kara xiddiga shakigu ku jiro ee Darwin Nunez isagoo weerarka kula soo bilaabanaya Cody Gakpo iyo Mohamed Salah.
Real Madrid ayay dhaawacyo iyo xanuuno kaga maqnaan doonaan Ferland Mendy, Toni Kroos iyo Aurelien Tchouameni.
Carvajal, Rudiger, Militao iyo Alaba ayaa daafaca dheeli doona iyadoo Ceballos iyo Modric khadka dhexe kala ciyaarayaan Camavinga.
Shaxaha Macquulka Ah
Liverpool (4-3-3): Alisson; Alexander-Arnold, Matip, Van Dijk, Robertson; Henderson, Fabinho, Bajcetic; Salah, Firmino, Gakpo
Real Madrid (4-3-3): Courtois; Carvajal, Militao, Rudiger, Alaba; Modric, Camavinga, Ceballos; Valverde, Benzema, Vinicius
Xogta Kulanka
Tartanka: Champions League
Garoonka: Anfield
Wakhtiga: 11:00 habeenimo xilliga geeska Africa
Garsoore: Istvan Kovacs (Romania)
