Dhoobley(Idaacadda Sanguuni)-Liverpool ayaa doonaysa guul kale oo ay ku cidhiidhiso kooxaha kaalmaha Champions League loogu soo baxo ee Premier League jooga kulanka ay caawa gegida Anfield Road ku qaabili doonto Fulham.
Fulham oo qudheedu xilli ciyaareed fiican qaadanaysa ayaa ah kooxdii toddobaadkii koowaad ee xilli ciyaareedka barbardhaca 2-2 ah la gashay Reds ee waayahan madaw ku bilawday.
Wararka Labada Kooxood
Liverpool waxa ka maqnaan doona Naby Keita, Thiago, Roberto Firmino, Stefan Bajcetic iyo Calvin Ramsay halka uu shaki ku jiro Diogo Jota.
Jota oo goolka guusha Tottenham ka dhaliyay daqiiqadii 94-aad ee toddobaadkan ayaa ku dhibtoonaya jug seejin karta ciyaartan.
Fabinho iyo Jones markale la filayaa inay Jordan Henderson khadka dhexe wada dheelaan halka Diaz, Gakpo iyo Salah markale kasoo hormari karaan Darwin Nunez.
Dhinaca Fulham macalin Marco Silva ayay ka maqnaan doonaan Layvin Kurzawa, Tim Ream, Andreas Pereira iyo waliba weeraryahankiisa Mitrovic oo ganaaxan.
Liverpool (4-3-3): Alisson; Alexander-Arnold, Konate, Van Dijk, Robertson; Thiago, Fabinho, Jones; Salah, Gakpo, Diaz
Fulham (4-2-3-1): Leno; Tete, Diop, Adarabioyo, Robinson; Reed, Palhinha; Wilson, Cairney, Reid; Vinicius
Xogta Kulanka
Tartanka: Premier League
Garoonka: Anfield
Wakhtiga: 10:00 habeenimo xilliga geeska Africa
Garsoore: Stuart Attwell
