Dhoobley(Idaacadda Sanguuni)-Kooxda Liverpool oo booska koowaad ee Man United fadhidaa u muuqdo ayaa maanta gegida Anfield kula ballansan dhigeeda Brentford.
Liverpool ayaa hadda shan guulood oo xidhiidh ah soo gaadhay waxayna kalsooni ku qabaan inay ka adkaan doonaan macalin Thomas Frank iyo xiddigihiisa oo wareegii hore soo dubtay.
Wararka Labada Kooxood
Konate, Van Dijk, Alexander Arnold iyo Robertson ayaa markale dib ugu midoobo kara safka daafaca ee Liverpool, Fabinho ayaa doorka No.6 dheelaya isagoo ka garab ciyaari kara laba da’yar ee Elliot iyo Jones.
Darwin Nunez ayaa markale kursiga keydka u laaban kara iyadoo weerarka Reds ay kusoo wada bilaabanayaan Salah, Diaz iyo Gakpo.
Dhinaca kooxda martida ah waxa ka maqnaan doona Pontus Jansson, Christian Norgaard, Thomas Strakosha, iyo Keane Lewis-Potter, tababare Frank ayaa la filayaa inuu shax ciyaareedka 4-3-3 kusoo galo.
Liverpool (4-3-3): Alisson; Alexander-Arnold, Konate, Van Dijk, Robertson; Elliott, Fabinho, Jones; Salah, Gakpo, Diaz
Brentford (4-3-3): Raya; Hickey, Pinnock, Mee, Henry; DaSilva, Onyeka, Jensen; Mbeumo, Toney, Schade
Xogta Kulanka
Tartanka: Premier League
Garoonka: Anfield Road
Wakhtiga: 7:30 habeenimo xilliga geeska Africa
Garsoore: Anthony Taylor
