Dhoobley(Idaacadda Sanguuni)-Liverpool ayaa qaabilaysa dhigeeda Ajax kulan Champions League wareegiisa labaad ee heerka Group-yada ah caawa, kooxda tababare Jurgen Klopp ayaa doonaysa kasoo kabashada fadeexadii ay ku bilaabatay tartanka.
Reds ayaa toddobaadkii hore magaalada Naples guuldarro 4-1 ah oo kasoo gaadhay Napoli kala soo noqday halka ay Ajax 4-0 kaga soo adkaatay Rangers oo marti u ahayd.
Wararka Labada Kooxood Ee Kulanka Kahor
Da’yarta Curtis Jones iyo Calvin Ramsay ayaa sidoo kale dhaawacyo ku maqan halka Naby Keita iyo Chamberlain gabi ahaanba laga reebay liiska xiddigaha Champions League ku metelaya Liverpool.
Joel Matip ayaa la filayaa inuu daafaca dhexe kala baxo Joe Gomez oo bandhig ceeb ah kusoo muujiyay kulankii Napoli halka Tsimikas daafaca bidix kusoo bilaaban doono.
Thiago Alcantara ayaa isaguna booska kala bixi doona James Milner halka la filayo inuu markan Darwin Nunez weerarka dhexe kaga soo hormaro Roberto Firmino.
Dhinaca Ajax Mohamed Ihattaren ayaa ah dhaawaca kaliya ee uu ka werwerayo tababare Alfred Schreuder. Saxeexa cusub ee Luis Ocampos ayaan la filayn inuu shaxda asaasiga ah kasoo muuqdo.
Shaxaha Macquulka Ah Ee Labada Kooxood
Liverpool (4-3-3): Alisson; Alexander-Arnold, Matip, Van Dijk, Tsimikas; Thiago, Fabinho, Elliott; Salah, Nunez, Diaz
Ajax (4-3-3): Pasveer; Rensch, Timber, Bassey, Blind; Berghuis, Alvarez, Taylor; Tadic, Kudus, Bergwijn
Xogta Kulanka
Tartanka: Champions League
Garoonka: Anfield Road
Wakhtiga: 10:00 habeenimo xilliga geeska Africa
Garsoore: Artur Dias (Portugal)
