Dhoobley(Idaacadda Sanguuni)-Real Madrid ayaa bilaabanaysa tartanka UEFA Champions League caawa kulan ay booqanayso kooxda Celtic iyaga oo isku dayi doona inay qaab wanaagsan ku bilawdaan bilaabashada horyaalka.
Kulanka caanka ah ee Old Firm Derby ayay Sabtidii la ciyaareen kooxda ay is-hayaan ee Rangers oo ay 4-0 ku xasuuqeen, tababare Ange Postecoglou ayaa rajaynaya in niyada ay kulankaas ka qaadeen ay Madrid ku qaabili doonaan.
Wararka Labada Kooxood Ee Kulanka Kahor
Carlo Ancelotti ayaa haytsa isagu saf ku dhawaad gabi ahaanba caafimaad qaba, Jesus Vallejo iyo Alvaro Odriozola ayaa ah xiddigaha kaliya ee dhaawaca kaga maqan.
Ancelotti ayaa isbedelo ku samayn kara shaxdii uu Real Betis kaga adkaaday Sabtidii isagoo kusoo bilaabaya Toni Kroos iyo Federico Valverde isla markaana keydka dhigaya Eduardo Camavinga iyo Rodrygo Goes.
Sidoo kale saxeexa cusub ee Antonio Rudiger ayaa kusoo bilaaban kara daafaca dhexe isagoo kala baxaya midkood David Alaba iyo Eder Militao.
Shaxaha Macquulka Ah Ee Labada Kooxood
Celtic (4-3-3): Hart; Juranovic, Carter-Vickers, Jenz, Taylor; O’Riley, McGregor, Turnbull; Abada, Giakoumakis, Jota
Real Madrid (4-3-3): Courtois; Carvajal, Rudiger, Alaba, Mendy; Modric, Tchouameni, Kroos; Valverde, Benzema, Vinicius Jr.
Xogta Kulanka
Tartanka: Champions League
Wakhtiga: 10:00 habeenimo xilliga geeska Africa
Garoonka: Celtic Park
Garsoore: Sandro Schaerer (Switzerland)
