Dhoobley(Idaacadda Sanguuni)-Manchester United ayaa marti u ah kooxda Bournemouth xilli ay ciyaarayso kulan muhiim u ah hammigeeda ku dhammaysiga afarta sarre ee Premier League.
Red Devils ayaa hal dhibic ka sarreeya Liverpool walow kulan baaqi u yahay, waa kulan kale oo culays ku saaran yahay inay guul gaadhaan xilli Cherries iyagu xaqiiqsadeen inay ka badbaadaan kaalmaha Premier League lagaga dhaadhaco.
Wararka Labada Kooxood
Gary O’Neil waxa ka maqnaan doona xiddigaha kala ah Ryan Fredericks, Antoine Semenyo, Junior Stanislas iyo Marcus Tavernier.
Dhinaca Man United waxa uu shaki ku jiraa Marcus Rashford oo dhaawac kasoo laabtay balse xanuun ku maqnaan kara sida uu sheegay tababare Erik Ten Hag.
Wan Bissaka, Varane, Lindelof iyo Shaw ayaa markale afarta daafac ee Man United kusoo wada bilaaban kara halka Casemiro khadka dhexe ku wehelin karo Eriksen iyo Bruno Fernandes.
Martial oo gool dhaliyay kulankii ugu dambeeyay iyo Antony ayaa weerarka la dhammaystiri kara Marcus Rashford haddii uu taam noqdo.
Shaxaha Macquulka Ah
Bournemouth (4-4-1-1): Neto; Smith, Zabarnyi, Kelly, Vina; Ouattara, Lerma, Rothwell, Christie; Billing; Solanke
Man United (4-2-3-1): de Gea; Wan-Bissaka, Varane, Lindelof, Shaw; Casemiro, Eriksen; Antony, Bruno Fernandes, Rashford; Martial
Xogta Kulanka
Tartanka: Premier League
Garoonka: Vitality Stadium
Wakhtiga: 5:00 galabnimo xilliga geeska Africa
Garsoore: Chris Kavangh.
