Dhoobley(Idaacadda Sanguuni)-Arsenal ayaa Emirates Stadium kusoo dhawaynaysa kooxda dhawaan Premier League usoo dalacday ee Fulham kulan ay doonayaan inay sii wataan guulaha 100% ee ay xilli ciyaareedka ku bilawdeen.
Gunners ayaa saddex kulan saddex guulood kasoo gaadhay Crystal Palace, Leicester City iyo Bournemouth. Dhinaceeda Fulham ayaa qudheedu wali guuldarro la’aan ah kaddib laba barbardhac oo ay Liverpool iyo Wolves lasoo galeen iyo guul ay Brentford kasoo gaadheen.
Wararka Labada Kooxood Ee Kulanka Kahor
Reiss Nelson ayaa ah xiddiga kaliya ee dhaawaca kaga maqan safka Arsenal waana war u wanaagsan Mikel Arteta oo ilaa haatan wax dhaawacyo ah kooxdiisu ka badbaaday.
Ma jirto sabab uu Arteta isbedel ugu sameeyo shaxdii uu kusoo guuleystay dhammaan kulamadii hore. Takehiro Tomiyasu, Fabio Vieira, Smith-Rowe iyo Kieran Tierney ayaa dhammaantood taam buuxa ah oo kursiga keydka kasoo muuqan doona.
Warka weyn ee la xidhiidha Fulham ayaa ah goolhaye Bernd Leno oo dhawaan dhinaca Arsenal kaga soo biiray inuu qabo inay loolan adag kulankan la geli karaan kooxdiisii hore.
Tababare Marco Silva ayaa kulankan ay ka maqnaan doonaan Harry Wilson iyo Manor Solomon halka uu shaki weyni ku jiro taam ahaanshaha Kebano.
Shaxaha Macquulka Ah Ee Labada Kooxood
Arsenal (4-2-3-1): Ramsdale; White, Saliba, Gabriel, Zinchenko; Partey, Xhaka; Saka, Odegaard, Martinelli; Jesus
Fulham (4-2-3-1): Leno; Tete, Adarabioyo, Ream, Robinson; Reed, Palhinha; Stansfield, Pereira, Reid; Mitrovic
Xogta Kulanka
Tartanka: Premier League
Garoonka: Emirates Stadium
Garsoore: Jarred Gillet (Australia)
Wakhtiga: 7:30 habeenimo xilliga geeska Africa
