HORDHAC: Arsenal v Brentford – Gunners Oo Hoggaanka Dheeraysan Kara, Shinida Oo Hortaagan, Shaxaha & Xogaha Kulanka.

By
admin
-
0
120

Dhoobley(Idaacadda Sanguuni)-Kooxda hoggaaminaysa Premier League ee Arsenala ayaa gegida Emirates Stadium ku qaabilaysa dhigeeda ay London wada degaan ee Brentford xilli ay isha ku hayaan inay hoggaanka sii dheeraystaan.

Arsenal ayaa shan dhibcood ka sarreysa kooxda ugu soo dhaw ee Man City iyadoo kulan baaqi u yahay, guul ay caawa gaadhaan ayay si kumeel-gaadh ah siddeed dhibcood ugaga sii qaban karaan City oo berri Aston Villa la ballansan.

Wararka Labada Kooxood Ee Kulanka Kahor

Arsenal ayay markale ka maqnaan doonaan xiddigaha kala ah Emile Smith Rowe, Gabriel Jesus, Mohamed El Neny iyo Reiss Nelson.

Mikel Arteta ayaa isbedelo ku samayn kara shaxdiisa maadaama ay Man City la ballansan yihiin isla gudaha toddobaadkan.
Tomiyasu ayaa daafaca midig kasoo muuqan kara isagoo meesha ka saaraya Ben White halka saxeexa cusub ee Trossard kasoo hormari karo Martinelli.

Dhinaca Brentford labada ciyaartoy ee la xaqiijiyay inay ka maqnaanayaan safka tababare Thomas Frank ayaa kala ah Pontus Jansson iyo Frank Onyeka.

Shaxaha Macquulka Ah

Arsenal (4-2-3-1): Ramsdale; Tomiyasu, Saliba, Gabriel, Zinchenko; Partey, Xhaka; Saka, Odegaard, Trossard; Nketiah

Brentford (4-3-3): Raya; Ajer, Pinnock, Ben Mee, Janelt; Dasilva, Norgaard, Jensen; Mbeumo, Toney, Wissa

Xogta Kulanka

Tartanka: Premier League

Wakhtiga: 6:00 fiidnimo xilliga geeska Africa

Garsoore: Peter Bankes

Garoonka: Emirates Stadium

RELATED ARTICLESMORE FROM AUTHOR