Dhoobley(Idaacadda Sanguuni)-Tababaraha Barcelona, Hansi Flick, ayaa xaqiijiyay inuu la hadlay Fermin López kadib markii Chelsea ay soo gudbisay dalab furitaan oo gaaraya £43m.
Inkasta oo Barca ay ku qiimeynayaan López ku dhowaad £78m, Flick ayaa ku adkaystay in ciyaaryahanka uu joogayo Camp Nou:
“Waqti xaadirkan wuxuu joogaa halkaan. Waxaan la hadlay Fermin waana hubaa inuu sii joogayo kooxda oo uu go’aankaas ila qabo.” ayuu yiri tababaraha Jarmalka.
Si kastaba ha ahaatee, Flick ayaa qirtay inuusan hubin waxa dhici doona ilaa suuqa kala iibsiga la xiro:
“Ugu dambeyn anigu ma garanayo waxa dhici doona, laakiin aad ayaan ugu farxi doonaa marka suuqa uu xirmo.”
Waxaa cad in tababaraha Chelsea uu gebi ahaanba kasoo horjeedo in Lopez laga iibiyo Chelsea.Fick ayaa goor sii horreysay ka dhawaajiyay in muhiimad gaar ah ay leedahay in dooqyo badan la helo xilli kooxda ay ka qeyb galeyso tartanka ugu weyn Europe Uefa Champions League.
