“Hal Abuur Ayuu Leeyahay!!” – Gerrard Oo Amaanay Bartilmaameedka Liverpool Ee Xalay Champions League Isku Muujiyay

By
admin
-
0
105

Dhoobley(Idaacadda Sanguuni)-Halyeeyga kooxda Liverpool ee Steven Gerrard ayaa amaan ugu qubeeyay khadka dhexe ee Inter Milan ee Nicolo Barella oo kamid ah xiddigaha lala xidhiidhinayo xagaaga kooxdiisii hore.

Barella ayaa ciyaaryahan muhiima usoo ahaa Inter Milan afartii sano ee ugu dambeeyay isagoo kula soo guuleystay Serie A iyo Coppa Italia.

Image

Haatan waxa saxeexiisa doonaysa kooxda Jurgen Klopp, Inter Milan ayaa ku qiimaynaysa iibkiisa lacag ka badan 60 Milyan oo pound.

Gerrard ayaa amaanay 26 sano jirkaas isagoo sheegay inuu yahay mid leh hal abuur isla markaana kulamada uu daawaday si fiican usoo muuqday.
“Isagu waa mid hal abuur leh, wuxuu dhalin karaa goolasha muhiimka ah. Waxaan daawaday isagoo England kahor imanaya kulan Naples ka dhacay wuxuuna ka qayb qaatay dhamman qaybaha kulanka” ayuu yidhi Stevie G.
“Isagu dhab ahaan si wanaagsan ayuu sameeyay markii uu kahor yimid Bellingham, sidoo kale da’ wanaagsan ayuu  jiraa wuxuuna galayaa wakhtigiisii ugu fiicnaa”.

“Wuxuu kasoo horjeedaa (Ciyaartii xalay) mid kamida asxaabtiisa xulka Talyaaniga oo ah Tonali, waxay noqon doontaa wax xiiso leh inaan aragno midka gacan sarreeya sababtoo ah aaga khadka dhexe waa muhiim”.

Barella ayaa xalay ka caawiyay kooxdiisa Inter Milan inay guul 2-0 ah lugta hore ee afar dhammaadka Champions League ka gaadho kooxda ay magaalo xifaaltamaan ee AC Milan.

RELATED ARTICLESMORE FROM AUTHOR