Dhoobleey(Idaacadda Sanguuni)-Guddoomiyaha degmada Baladweyne Cismaan Dhicisow Dhuubow ayaa madaxa dabalgalka hay’addaha magaalada Baladweyne u magacaabay Liibaan Maxamed Daahiye.
Wareegto u soo saaray guddoomiyaha degmada Baladweyne ayaa lagu sheegay in magacaabistan ay ka dambeysay kadib soo jeedin ka timid qeybaha kala duwan ee bulshada.
” Ka Dib Markaan Aragnay Baahida Looo Qabo In La Dardargeliyo Howlaha Iyo Muhiimadda Ay Leedahay La Xisaabtanka Hay’adaha Ka Howgala Degmada Beledweyne Kadib Markaan Aragnay Warqadda Soojeedinta Odayaasha Dhaqanka, Waxgaradka, Ganacsatada, Culumudiinka, Haweenka Iyo Dhalinyarada Ku Dhaqan Degmada Beledweyne Warqadaasi oo Ay Ku Cadeynayaan in La Magacaabo Madaxa Dabagalka Hay’adaha Degmada Beledweyne.
Maamulka Degmada Beledweyne Markuu Latashaday Gudiyada Kala Duwan Ee Xaafadaha, Markuu Latashaday Qeybo Ka Mid Ah Bulshada lyo Waxgaradka,Sidaa Darteed Maamulka Degmada Beledweyne Waxa Uu Garwaaqsaday in La Magacaabo Madaxa Dabagalka Hay’adaha Degmada Beledweyne Isla Markaana Tixgalinaayo SoojeedintaCodsiga Wuxuuna Xilka Madaxa Dabagalka Hay’adaha Degmada Beledweyne U Magacaabay Mudane: Liibaan Maxamed Daahiye Madaxa Dabagalka Hay’adaha Ee Degmada Beledweyne.
Ugu Danbeymtii Maamulka Degmada Beledweyne Waxaa Uu Farayaa Dhamaan Gudiyada Kala Duwan ee Xaafadaha Iyo Hay’adaha Amniga Ba in Ay La Shaqeynaan Ayna Tixgaliyaan Mas’uulkaani Cusub Si U Guto Wajibaadkiisa Shaqo.”ayaa lagu yiri wareegtadan ka soo baxday guddomiyaha degmada Baladweyne Cismaan dhicisow dhuubow.Guddoomiyaha degmada Baladweyne Cismaan Dhicisow dhuubow ayaa noqonaya guddoomiyihii ugu horeyay ee Baladweyne ee magacaaba madaxda dabalgalka hay’addaha.
