Dhoobley(Idaacadda Sanguuni)-Weeraryahankii hore ee Manchester United, Alejandro Garnacho, ayaa si rasmi ah ugu biiray Chelsea isagoo saxiixay heshiis 7 sano ah oo ku kacaya £40m iyo qodob xaqiijinaya in United ay dhaqaale ku yeelato haddii dib loo iibiyo.
Isagoo la hadlayay website-ka rasmiga ah ee Blues, Garnacho ayaa yiri:
“Waa waqti aan caadi ahayn aniga iyo qoyskayga inaan ku biirno kooxda weyn ee Chelsea.
Waxaan daawanayay Club World Cup, waxaanan ku faraxsanahay inaan ku biiro horyaalka adduunka – waxaan nahay kooxda ugu fiican adduunka! Runtii waa wax cajiib ah inaan halkaan imaado.”
Dhanka kale, weeraryahan kale oo ka tirsan Old Trafford, Rasmus Højlund, ayaa dhowaan ku biiri doona Napoli kadib markii la gaaray heshiis afka ah oo ku saabsan u wareegistiisa.
