Dhoobley(Idaacadda Sanguuni)-Kooxda chelsea ayaa guuldaro lama filaan ah kala kulantay kooxda Fulham kulan ka dhacay Stamford Bridge kana tirsanaa premier League.
Chelsea ayaa kulanka soo gashay iyaga oo doonaya in ay soo yareeyaan dhibcaha ay ka dambeeyaan hogaamiyayaasha horyaalka ee Liverpool.
Fulham ayaa dhinaceeda kulanka soo gashay iyaga oo ku jira qaab ciyaareed cajiib ah iyaga oo ka fiicnaa kooxda Chelsea.
Kooxda chelsea ayaa daqiiqadii 16-aad dhalisay goolka 1-aad waxana u dhaliyay xiddiga Cole Palmer kaas oo ciyaarta ka dhigay 1/0.
Chelsea ayaa ku dhibaatoonaysay in ay sii wado dadaalka iyada oo Fulham ahayd kooxda gacanta saraysa dhinaca walba.
Daqiiqadii 82-aad ee qaybta dambe ee ciyaarta ayay kooxda Fulham dhalisay goolka bar-baraha waxana goolka u dhaliyay Harry Wilson kaas oo ciyaarta ka dhigay 1/1.
Kooxda Fulham ayaa halkaas ka waday dadaalka waxana ay daqiiqadii 90+5-aad dhaliyeen goolka 2-aad waxana u dhaliyay Rodrigo Muniz kaas oo ciyaarta ka dhigay 2/1.
Waxa sidaas ku dhamaatay ciyaarta oo ay Fulham guushu ku raacday kagana badisay kooxda chelsea.
