Dhoobley(Idaacadda Sanguuni)-Kooxda kubadda cagta Barcelona ayaa ka dalbatay Madaxweynaha horyaalka Spain ee LaLiga ee Javier Tebas inuu iscasilo, iyaga oo ku eedeeyey in aanu ahayn shaqsi u qalma xilka uu hayo.
“Arrintan daraadeed, waxa aanu uga baahanahay Madaxweynaha LaLiga inuu si degdeg ah warbaahinta u hor yimaaddo oo uu sharraxaad ka bixiyo qoraalka uu saaka daabacay.” Ayay Barcelona ku tidhi war-saxaafadeedkeeda iyadoo xustay in uu hadalkaasi been-abuur cad ahaa.
“Waxa uu meel kaga dhacay sharaftii iyo xushmaddii madaxweynenimada LaLiga, Mr. Tebas waa inuu iska casilo xilkaas.” Ayaa lagu yidhi war-saxafadeedka.
Arrinta weyn ee ay ka cadhaysan tahay Barcelona ayaa ah in Javier Tebas uu ku garab siinayo xeer ilaalinta baadhitaankooda la xidhiidha lacag ay kooxdu siisay Negreira oo caddadkeedu dhamaa $7 milyan oo dollarka Maraykanka ah.
