Dhoobley(Idaacadda Sanguuni)-Jamie Carragher ayaa daaha ka qaaday fariintii aflagaadada aheyd ee uu Lionel Messi u soo diray ka dib markii uu xiddiga todobada jeer ku guuleystay Ballon d’Or uu ka dhaleeceeyay Sky Sports.
Carragher ayaa ka sheekeeyay waqtigii Messi uu si gaar ah fariin aflagaado ah ugu diray kadib markii khabiirka Sky Sports uu sheegay in xiddiga reer Argentina uusan saxiix weyn u aheyn Paris Saint-Germain xilli ciyaareedkii hore.
Carragher ayaana haatan daaha ka qaaday fariintii uu Messi u soo diray ka dib hadaladii uu ka sheegay barnaamijka Sky Sports ka baxa ee Monday Night Football.
Messi oo ka xanaaqay hadalada Carragher ayaa u qoray daaficii hore ee Liverpool: “Dameer”.
“Isbaanish ayay ku hadlayaan Argentina ayaa finalayaa. Waxaan idiin sheegayaa ereyga uu iigu yeeray. “A Burro”. Waa maxay micanheeda?”
Kate Abdo oo ah joornaaliistaha CBS oo ku hadasha luqado badan ayaa u sheegtay in micnaheeda ay tahay “dameer” taasoo keentay inay qosol la dhacaan ka hor inta uusan Carragher kaamirada eegin islamarkaana dhihin ” Mahadsanid”.
