Dhoobley(Idaacadda Sanguuni). Weeraryahanka kooxda kubadda cagta Borussia Dortmund ayaa aqbalay inuu ku biiro suuqa xagaagan mid ka mid ah kooxaha sida waalida ah uga baadi goobayay suuqa kala iibsiga, xilli goor dhow la baahiyay inuu doonayo u dhaqaaqista kooxaha ka ciyaara horyaalka La Liga halkii uu aadi lahaa horyaalka Premier League.
Sidaas darteed, waxaa loollanka hoggaankiisa sidaas ku helay kooxaha Barcelona iyo Real Madrid oo qayb ka ah kooxaha baacsanayay saxiixiisa maadaama ay yihiin labada naadi ee horyaalka Spain ka ciyaara kuwaasoo bartilmaameedsanayay weeraryahanka reer Norway.
Sida laga soo xigtay suxufiga suuqa kala iibsiga ka faalooda ee Eduardo Inda oo la hadlayay barnaamujka El Chiringuito, Haaland ayaa aqbalay inuu u dhaqaaqo Real Madrid, waxaana warkaas sii baahiyay wargeyska ugu afka dheer dalka Spain ee MARCA.
Si kastaba ha ahaatee, daadihiya barnaamujka El Chiringuito ee Josep Pedrerol ayaa intaas ku daray inayn Los Blancos ka warqabto inay Dortmund dadaal adag ku bixineyso inay sii heysato 21-sano jirka weerarka dhexe ka ciyaara.
