Dhoobley(Idaacadda Sanguuni)- Weeraryahanka Manchester United ee Anthony Martial ayaa sheegay in tababaraha reer Holland ee Erik ten Hag uu yahay tababaraha ugu fiican isaga ahaan, wuxuuna tilmaamay inuu rajaynayo inuu dib u soo nooleeyo xirfadiisa Red Devils.
Anthony Martial, oo 26 jir ah, ayaa maalmo aan faraxsanayn ku qaadanaya Manchester United, kaddib markii ay ku adkaatay inuu helo daqiiqado badan uu ku ciyaaro ilaa hadda.
Weeraryahanka Manchester United ee Anthony Martial ayaa ka hadlay tababare Erik ten Hag sida ay sheegtay shabakada caalamiga ah ee “Goal”, wuxuuna yiri: ” Erik ten Hag waa tababare aad u wanaagsan, waana qof aad u taxadar badan.”
“Wuxuu daryeelaa faahfaahin kasta. Ten Hag wuxuu rabaa inaan kubad fiican ku ciyaarno si xoogana aan u cadaadino haddii aan lumino kubadda. Way ku fiican tahay qaab ciyaareedkayga.”
“Waa dareen aan la rumaysan karin in aan garoonka ku jiro iyo in aan haysano 75,000 oo taageere kulan kasta, waxay noo tahay dareen weyn. Waxaana rabnaa inaan ku dadaalno sidii aan uga farxin lahayn.”
