Dhoobley(Idaacadda Sanguuni)-Hoggaamiyaha Zambia, ayaa sheegay inuu qorsheynayo inuu iibiyo diyaaradda madaxweynihii isaga ka horeeyey, kaasoo uu iibsaday bilihii u dambeeyay ee uu xafiiska joogay, iyadoo ay jirto xaalad muran badan dhalisay.
Hakainde , ayaa sheegay inuu doonayo inuu dib u soo celiyo lacag gaareysa $193m
oo lagu soo iibiyey diyaaraddan
"Ma taageereyno lacag si xadka ka baxsan loo isticmaalay, sababtoo ah waxaan
heli karnay diyaarad awood leh, marka loo eego baaxadda, isku halaynta ku
dhawaad 20 milyan oo doolar," Hichilema ayaa Talaadadii ka sheegay hadalkani
shir garsoor.
"Haddaba maxaa nagu kallifay inaan $193 milyan ku bixinno diyaaradani?
Waxaan ilaalin karnaa garsoorka…sidoo kale waxaan u soo iibin karnaa miisyo
badan oo iskuulada loo adeegsado, oo looggu tala galay carruurta, waxaan sidoo
kale waxaan maalgashan karnaa hal ama laba xaruumood oo ciidan oo soohdinta
ku yaalla," ayuu raaciyay.
Si kastaba ha ahaatee, iibinta diyaaradda ayaan noqon doonin mid toos ah,
maadaama ciidamada cirka ee Zambia ay sheegeen in diyaaradan aysan ahayn mid
dadweyne, balse ay tahay hanti ciidan.
Tani kama joojin hay’adda la dagaalanka musuq-maasuqa inay baaritaan ku
sameyso.
Wakaaladdu waxay Arbacadii ku dhawaaqday inay eegayso sida dowladdii
madaxweynihii hore ee, Edgar, ay ugu iibsatay diyaarad qiimo jaban, halkii ay ka
ahayd "qiimihii caadiga ahaa ee markaas $65m", bilo kahor intii aan lagaga adkaan
doorashadii dhacday sanadkii 2021-kii.
Xaaladda diyaaradda ayaa kala qaybiyay ra'yiga dadweynaha; halka dadka qaar ay
taageersan yihiin madaxweynaha, qaar kale ayaa ku doodaya in iibintaasi ay wax u
dhimayso amniga dalka.
