Dhoobley(Idaacadda Sanguuni)-Doon nooca raaxada ah oo ka diiwaan gashan dalka Ingiriiska ayaa shil ku gashay xeebaha koonfureed ee Talyaaniga.
Doontaan oo ay saarnaayeen dad gaaraya ilaa 22-qof ayaa la sheegay in ay shilka gashay kadib markii ay ku dhufatay duufaan xoog leh taas oo ka dhacday qorrax ka soo baxa caasimadda Sicilian ee Palermo.
Wararka laga helayo doonta qalibantay ayaa sheegaya in uu hal qof ku dhintay, sidoo kale tiro badan oo biyaha ku qarqoomay la soo badbaadiyay, waxaana loo qaaday isbitaal.
Dhanka kale waxaa lagu raadjoogaa dad gaaraya ilaa 6-qof kuwaas oo ay biyuhu quusiyeen walina aanan lahelin.
Doontaan shilka gashay oo ah nooca raaxada ayaa dhererkeeda lagu sheegay 56-mitir.
