Dhoobley(Idaacadda Sanguuni)-Antonio Rudiger iyo Kylian Mbappe ayaa labaduba xor u ah inay wajahaan Arsenal Salaasada lugta hore ee wareega 8da Champions League ka dib markii ay ka fogaadeen ganaax degdeg ah.
UEFA ayaa baaritaan ku furtay dabaal daggii Real Madrid kadib guushii ay ka gaareen Atletico Madrid wareega 16-ka, iyadoo Rudiger, Mbappe, Vinicius Junior iyo Dani Ceballos sameeyeen dabaal-dagyo anshax xumo ah.
Inta badan walwalka Madrid ayaa ku saabsanaa Rudiger, kaasoo la arkayay isagoo suulka dhuunta mariyay isaga oo u hanjabaya taageerayaasha Atletico Madrid.
Waxaa jirtay cabsi weyn oo laga qabay in la ganaaxo, lagana saaro kulanka Arsenal.
Inkasta oo Ay UEFA ganaax min hal kulan ah dusha ka saartay Rudiger iyo Mbappe hadana ganaaxa ayaan ahayn mid deg-deg ah waxana loo kala qayb doonaa muddo hal sano ah dhexdeed taas oo la macno ah in ay labada ciyaartoy ka hor iman doonaan Arsenal.
