Dhoobley(Idaacadda Sanguuni)-Xiddiga reer France ee N’Golo Kante ayaa soo afjaray waayihiisii Chelsea waxaana uu heshiis weyn oo uu ku xoogsanayo lacag ka badan intii uu Blues ka helay sannadihii uu joogay uu qalinka ugu duugay koox ka dhisan waddanka Sucuudiga.
N’Golo Kante ayay jiidatay lacagta waallida ah ee waddanka Sucuudiga ee hore ay u doonteen Karim Benzema iyo Cristiano Ronaldo, waxaana uu ogolaaday in uu soo afjaro waqtigiisii Chelsea isaga oo hadda ka gaabsanaya in uu qalinka u qaato heshiis cusub oo ay Blues u bandhigtay.
Kubbad-burburiyahan ayaa waxa uu ku biirayaa kooxda Al Ittihad ee maanta sida rasmiga ah ula wareegtay Karim Benzema oo markii ugu horreysay ay ku midoobi doonaan koox iyaga oo horena ugu soo wada ciyaaray xulka qaranka Faransiiska.
N’Golo Kante ayaa waxa uu saxeexayaa heshiis laba sannadood ah oo soconaya illaa 2025 oo uu sannadkii mushahar ugu qaadanayo €100 milyan oo Euro oo xaasil ah oo aanay cashuur la socon.
