Dhoobley(Idaacadda Sanguuni)-Declan Rice oo ka tirsan Arsenal ayaa yiri “hadda annaga ayay nagu xidhantahay inaan ugu dambeyntii ku guuleysano koob la sugayey oo muddo dheer kadib markii kooxda Mikel Arteta Ka gaabisay labadii xilli ciyaareed ee ugu dambeeyay.
Gunners ayaa ku jirta kaalinta labaad ee kala sarreynta horyaalka Premier League, waxayna martigelinayaan kooxda ay ku xafiiltamaan waqooyiga London ee Spurs taasoo noqon karta kulan muhiim ah oo ka dhici doona Emirates habeenka Arbacada.
Laacibka khadka dhexe ee kooxda Arsenal Declan Rice ayaa sheegay in ay “hadda anaga ayay na khusaysaa In aan Arsenal ku hogaamino koobkii la sugyaya ee 14-aad ee premier league”.
“Waxay ahayd bilow wanaagsan [xilli ciyaareedkan],” ayuu u sheegay TNT Sports.
“Waxa Laga yaabaa in bar-baruhu nagu badan yahay laakiin wali waxa aan nahay koox adg”.
“sida iska cad waxaa naga maqan ciyaaryahano muhiim ah kuwaas oo ahaa kuwo adag, laakiin wali waxaan ku jirna Tartanka waxana aan u ciyaaraynaa si fiican”.
“Labadii sano ee la soo dhaafay waxaan aad ugu dhawaanay premier league, taageerayaasheenu way sugayaan koobka waxana aan doonaynaa in aan u rumayno riyadooda”.
