Dhoobley(Idaacadda Sanguuni)-Kooxda Chelsea ayaa Arsenal balan kaga sameysatay Final-ka tartanka FA Cup-ka naadiga Liverpool kaddib markii ay guul 2-0 ah ka gaartay Crystal Palace kulankii wareega afar dhamaadka ay ku wada ciyaareen garoonka Wembley.
Qeybta hore ee ciyaarta ayeey labada kooxood Chelsea iyo Crystal Palace ku kala nasteen barbardhac 0-0 ah.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 65-aad kooxda Chelsea ayaa hoggaanka u qabatay ciyaarta waxaana 1-0 ka dhigay laacibkooda Loftus-Cheek.
76 daqiiqo marka ay dheesha mareysay Chelsea ayaa dhalisay goolkeeda labaad ee ciyaarta kaddib markii uu 2-0 ka dhigay Mason Mount oo ay caawin kaga timid saaxiibkiis Timo Werner.
Ugu dambeyntii wiilasha tababare Thomas Tuchel ee Chelsea ayaa waxay ku garaaceen kooxda Crystal Palace garoonka Wembley, waxayna balan adag kaga sameysteen naadiga Liverpool Final-ka FA Cup-ka.
