Dhoobley(Idaacadda Sanguuni)-Chelsea ayaa garoonkeeda Stamford Bridge guul kaga gaartay kooxda Tottenham Hotspur kulanka lugta hore wareega Semi-finalka ee tartanka Carabao Cup, kaddib markii ay kaga adkaatay 2-0.
Qeybta hore ee ciyaarta ayaa lagu kala nastay 2-0 ay ku hoggaamineysay kooxda martida loo ahaa ee Chelsea.
Daqiiqadii 5-aad Chelsea ayaa hoggaanka u qabatay dheesha waxaana 1-0 ka dhigay Kai Havertz kaddib markii uu caawin ka helay saaxiibkiis Marcos Alonso.
34 daqiiqo marka ay dheesha mareysay Chelsea ayaa waxay ciyaarta ka dhigay 2-0 kaddib markii uu gool iska dhaliyay laacibka Tottenham Hotspur ee Ben Davies.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Balse ugu dambeyntii ciyaarta ayaa ku dhammaatay 2-0 ay kaga adkaatay Chelsea, kooxda Tottenham Hotspur oo marti ugu ahayd garoonka Stamford Bridge, kulankii lugta hore wareega Semi-finalka ee tartanka Carabao Cup, iyada oo labada kooxood ay isla bishan wada dheeli doonaan ciyaarta lugta labaad ee kulankan.
SAWIRRO:
