Dhoobleey(Idaacadda Sanguuni)-Chelsea ayaa guul soo laabasho ah ka soo gaartay kooxda Aston Villa oo ay ku booqatay garoonka Villa Park, kaddib markii ay kaga soo adkaatay 1-3, ciyaar qeyb ka ahayd kulammada toddobaadkan ee horyaalka Premier League.
Qeybta hore ee ciyaarta ayeey labada kooxood Aston Villa iyo Chelsea ku kala nasteen barbardhac 1-1 ah.
Daqiiqadii 28-aad Aston Villa ayaa hoggaanka u qabatay ciyaarta kaddib markii uu gool iska dhaliyay xiddiga Chelsea ee Reece James, ciyaarta ayaa sidaas ku noqotay 1-0 ay ku hoggaamineysay Aston Villa.
Laakiin 34 daqiiqo marka ay dheesha mareysay Chelsea ayaa loo dhigay rigoore waxaana gool u badelay oo 1-1 ka dhigay ciyaarta laacibkooda khadka dhexe ee Jorginho.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 56-aad Chelsea ayaa hoggaanka u qabatay dheesha waxaana 1-2 ka dhigay Romelu Lukaku oo caawin ka helay saaxiibkiis Hudson-Odoi.
90 + 3 daqiiqo marka ay dheesha mareysay Chelsea ayaa loo dhigay rogoore waxaana gool u badelay Jorginho ciyaarta ayaa waxay sidaas ku noqotay 1-3 ay ku hoggaamineysay Blues.
Ugu dambeyntii ciyaarta ayaa ku dhammaatay 1-3 ay kaga soo adkaatay Chelsea, kooxda Aston Villa oo ay ku booqatay garoonka Villa Park, blues oo leh 41 dhibcood ayaa hada ku jirrta booska saddexaad ee kala sarreynta horyaalka Premier League, waxayna, waxayna lix dhibcood nadiif ah ka hooseysaa hoggaamiyaasha Man City.
SAWIRRO:
