Dhoobleey(Idaacadda Sanguuni)-Cádiz ayaa saddexda dhibcood ka soo heshay Barcelona oo ay ku booqatay Camp Nou, kaddib markii ay kaga soo adkaatay 0-1, ciyaar qeyb ka ahayd kulammada toddobaadkan horyaalka La Liga ee dalka Spain.
Qeybta hore ee ciyaarta ayeey labada kooxood Barcelona iyo Cádiz ku kala nasteen barbardhac 0-0 ah.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 48-aad kooxda martida ahayd ee Cádiz ayaa hoggaanka u qabatay ciyaarta waxaana 0-1 ka dhigay laacibkooda Lucas Pérez.
Ugu dambeyntii ciyaarta ayaa waxay ku dhammaatay 0-1 ay kaga soo adkaatay Cádiz, kooxda Barcelona oo ay ku booqatay garoonka Camp Nou, Barca oo kaalinta labaad kaga jirta dhanka kala sarreynta ayaa kaddib guuldarradan waxay 15 dhibcood u jirtaa hoggaamiyaasha horyaalka ee Real Madrid.
