Dhoobley(Idaacadda Sanguuni)-Bukayo Saka ayaa magacaabay laba xiddig oo Arsenal ah kuwaas oo kooxda u qaaday heer kale iyaga oo doonaya in ay soo afjaraan 20 sano oo ay sugayeen ku guulaysiga premier League.
Mikel Arteta ayaa Gunners u badalay koox ku tartanta horyaalka laakiin waxa ay seegeen horyaalka labadii xilli ciyaareed ee ugu dambeeyay.
Saka waxa uu ahaa mid ka mid ah ciyaartoyda ugu muhiimsan Arsenal muddadaas, laakiin hadda waxa uu amaanay laba ka mid ah saaxiibadiis oo ka caawiyay kooxda inay sii fiicnaato.
Labadaas ciyaaryahan ayaa kala ah Kai Havertz iyo Jurrien Timber, kuwaas oo labadooduba ku soo biiray waqooyiga London xagaagii 2023 iyaga oo ka kala yimid Chelsea iyo Ajax.
“Waxaan waligey u maleynayay in Kai uu yahay ciyaaryahan aan la rumeysan karin,” Saka ayaa u sheegay CBS Sports.
“Qof walba oo qolka labiska ku jiray isna wuu dareemay”.
“Aad ayaan ugu faraxsanahay inuu taas muujinayo. Xilli ciyaareedkan waxa uu la soo baxay kalsooni dheeraad ah, waxaan u maleynayaa inuu dhaliyay ku dhawaad kulan kasta”.
“Waxa uu dhalin doonaa goolal badan xilli ciyaareedkan. Waxa uu leeyahay faham fiican oo ku xeeran diilinta ganaaxa, goorta uu weerarka ku jiro, waana sababta uu u helo fursado badan, waana sababta aan u rajaynayo inuu goolal badan dhalin doono”.
Su’aal ku saabsan Timber, Saka ayaa ku daray: “Waxa uu i siiyay kalsooni badan oo ah marka uu weeraryahan ka soo hor boxo in uu ku guulaysan doono kubada”.
“‘Kubadda marka uu haysto aad ayuu u daganyahay waa xiddig heer sare ah waanan ku faraxsanahay in uu taas muujinayo”.
