Dhoobleey(Idaacadda Sanguuni)-Brighton ayaa garoonkeeda ku bahdishay kooxda Manchester United kaddib markii ay ka gaareen guul qurux badan oo 4-0 ah, ciyaar qeyb ka ahayd kulammada horyaalka Premier League.
Qeybta hore ee ciyaarta ayaa lagu kala nastay 1-0 ay ku hoggaamineysay kooxda martida loo ahaa ee Brighton.
Daqiiqadii 15-aad kooxda Brighton ayaa hoggaanka u qabatay dheesha kaddib markii uu 1-0 ka dhigay laacibkooda Moisés Caicedo.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
49 daqiiqo marka ay dheesha mareysay Marc Cucurella oo caawin ka helay saaxiibkiis Leandro Trossard ayaa wuxuu ciyaarta ka dhigay 2-0 ay ku hoggaamineysay kooxda Brighton.
Daqiiqadii 57-aad kooxda Brighton ayaa dheereysatay hoggaanka ciyaarta waxaana 3-0 ka dhigay Pascal Groß kaddib markii uu ka caawiyay saaxiibkiis Marc Cucurella.
Leandro Trossard ayaa daqiiqadii 60-aad soo afjaray bandhiga goolasha ee kulankan wuxuuna dheesha ka dhigay 4-0 ay ku hoggaamineysay kooxda Brighton.
Ugu dambeyntii ciyaarta ayaa ku dhammaatay 4-0 ay kaga adkaatay Brighton kooxda Manchester United oo marti ugu ahayd garoonka American Express Community.
