Dhoobley(Idaacadda Sanguuni)-Kulan ka dhacaya gegida Education City Stadium ayay boos wareega afar dhammaadka koobka aduunka ah caawa ugu tartami doonaan xulalka Brazil iyo Croatia.
Selecao oo kamida dalalka ugu cad cad hanashada tartanka ayaa wareegii 16-ka soo xaaqay South Korea halka xulka ree Yurub rigoorayaal kaga soo baxay Japan.
Wararka Labada Xul Ee Kulanka Kahor
Tababare Zlatko Dalic ayaa la filayaa inuu dib u helo Borna Sosa oo xanuun kaga maqnaa kulankii Korea iyo Josip Stanisac oo dhaawac muruq ah ku seegay.
Dhinaca Brazil waxa xilli horeba hammigoodii koobka aduunku soo dhammaaday xiddigaha kala ah Alex Telles iyo Gabriel Jesus.
Alex Sandro oo isaguna kulamadii ugu dambeeyay dhaawac qabay ayaa tababarka kusoo laabtay laakiin aan la hubin taam ahaanshihiisa ciyaartan.
Militao ayaa markale daafaca midig dheeli kara iyadoo Danilo daafaca bidix u wareegayo halka Lucas Paqueta markale No.8 kaga soo hormarayo Guimaraes iyo Fred.
Shaxaha Macquulka Ah Ee Labada Xul
Croatia (4-3-3): Livakovic; Juranovic, Lovren, Gvardiol, Sosa; Modric, Brozovic, Kovacic; Kramaric, Petkovic, Perisic
Brazil (4-2-3-1): Alisson; Militao, Thiago Silva, Marquinhos, Danilo; Casemiro, Paqueta; Raphinha, Neymar, Vinicius Junior; Richarlison
Xogta Kulanka
Tartanka: koobka aduunka 2022
Wakhtiga: 6:00 fiidnimo xilliga geeska Africa
Garoonka: Education City Stadium
Garsoore: Michael Oliver (England)
