Dhoobley(Idaacadda Sanguuni)-Madaxweynaha Mareykanka Joe Biden ayaa Axaddii shalay booqasho taariikhi ah ku tegay dalka Brazil, isaga oo noqday madaxweynihii ugu horreeyay ee Mareykan ah ee isaga oo xilka haya booqda kaynta Amazon.
Biden ayaa ujeeddada safarkiisa ku sheegay in uu ka dhigan yahay dhaxal uu uga tegayo dagaalka lagula jiro isbeddelka cimilada, isagoo diiradda saaraya dhinaca horumarka dhaqaalaha ee dalalka tartanka ugu jira “inay ka faa’iideystaan kacdoonka tamarta nadiifta ah”.
