Dhoobley(Idaacadda Sanguuni)-Bayern Munich ayaa u sheegtay Nicolas Jackson inuu ku laabto Chelsea, kadib markii Blues ay joojiyeen heshiiskii amaahda ahaa ee £13m lagu dhammaystiri lahaa Sabtidii.
Jackson ayaa horey ugu safray Jarmalka si uu u dhammaystiro heshiiska, halka Bayern ay haysatay ikhtiyaar ay xiddiga si joogto ah ugu iibsadaan £56.2m sanadka dambe.
Laakiin dhaawaca Liam Delap, oo lix toddobaad maqnaan doona, ayaa sababay in Chelsea ay dib uga laabato go’aanka, taas oo ka careysiisay Jackson, kaas oo weli ku sugan Munich.
Agaasimaha ciyaaraha Bayern, Max Eberl, ayaa xaqiijiyay in labada koox ay u sheegeen Jackson inuu dib ugu noqdo London, maadaama Chelsea ay burburisay heshiiskii la gaaray:
“Chelsea waxay naga codsadeen ka hor ciyaartii in ciyaaryahanka dib loogu yeero… nasiib darro heshiiskii suurtagal ma noqon,” ayuu yiri.
