Dhoobley(Idaacadda Sanguuni)–Barcelona ayaa saddexda dhibcood ka soo heshay Mallorca oo ay booqatay, kaddib markii ay kaga soo adkaatay 0-1, ciyaar qeyb ka ahayd kulammada toddobaadkan ee horyaalka La Liga.
Qeybta hore ee ciyaarta ayaa lagu kala nastay 0-1 ay ku hoggaamineysay kooxda martida ahayd ee Barcelona.
Daqiiqadii 44-aad Barcelona ayaa hoggaanka u qabatay ciyaarta waxaana 0-1 ka dhiga Luuk de Jong kaddib markii uu caawinta goolka ka helay saaxiibkiis Óscar Mingueza
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Balse ugu dambeyntii ciyaarta ayaa ku dhammaatay 0-1 ay kaga soo adkaatay Barcelona kooxda Mallorca oo ay booqatay, Barca ayaa kaddib guushan ay gaartay waxay ku jirtaa kaalinta 5-aad ee dhanka kala sareynta horyaalka La Liga dalka Spain.
SAWIRRO:
