Dhoobleey(Idaacadda Sanguuni)-Barcelona ayaa saddexda dhibcood si dirqi ah kaga soo heshay Real Sociedad oo ay ku booqatay garoonka Reale Arena, kaddib markii ay kaga soo adkaatay 0-1, kulan ka tirsanaa horyaalka La Liga ee dalka Spain.
Qeybta hore ee ciyaarta ayaa lagu kala nastay 0-1 ay ku hoggaamineysay kooxda mrtida ahayd ee Barcelona.
Daqiiqadii 11-aad kooxda Barcelona ayaa hoggaanka u qabatay ciyaarta kaddib markii uu 0-1 ka dhiga weeraryahankooda Pierre-Emerick Aubameyang, waxaana ka caawiyay Ferran Torres.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Ugu dambeyntii ciyaarta ayaa ku dhammaatay 0-1 ay kaga soo adkaatay Barcelona, kooxda Real Sociedad oo ay ku booqatay garoonka Reale Arena, Barca oo kaalinta labaad kaga jirta horyaalka Spain ayaa waxay leedahay 63 dhibcood.
