Dhoobley(Idaacadda Sanguuni)-Kooxda Barcelona ayaa go’aansatay inay dib u dhigto diiwaangelinta ciyaartoyda ilaa toddobaadka soo socda, sida uu daabacay wargeyska Diario Sport.
Waxaa la sheegay in kooxda ay weli ku kalsoon tahay in dhammaan ciyaartoyda la diiwaan gelin doono waqtigii loogu talagalay ka hor furitaanka La Liga ee August 16.
Barcelona ayaa hadda dhameystiraysa howlo muhiim ah oo dhanka maaliyadda ah, kuwaas oo loo baahan yahay in la ansixiyo ka hor inta aan ciyaartoyda si rasmi ah loogu darin liiska kooxda.
Dib-u-dhaca wuxuu saameynayaa:
- Ciyaartoyda cusub ee lasoo iibsaday
- Xiddigaha heshiisyadooda la cusbooneysiiyay balse aan wali la diiwaangelin
Si kastaba ha ahaatee, Barcelona waxay muujisay kalsooni buuxda oo ah in aysan dhibaato weyn ka imaan doonin arrintan, inkasta oo La Liga si dhow u baari doono dukumentiyada la gudbinayo, si looga hortago wax kasta oo jebinaya xeerarka mushaarka.
