Sida laga soo xigtay wargeyska “Bild” ee dalka Germany waxaa jira xiiso ka imaaneysa dhanka kooxda Barcelona oo ku aadan weeraryahanka naadiga Eintracht Frankfurt ee Andre Silva.
Ciyaaryahankii hore ee kooxaha Seville iyo AC Milan ayaa ku guuleystay inuu xilli ciyaareed layaab leh la qaado kooxda reer Germany ee Eintracht Frankfurt, isagoo dhaliyay 21 gool 24 kulan oo uu ciyaaray.
Dhinaca kale wargeyska “Marca” ee dalka Spain ayaa wuxuu shaaca ka qaaday in heshiiska uu u muuqdo mid aad u adag, sababa la xiriira qiimaha ciyaaryahanka oo ku dhawaad gaaraya 40 million euros.
Wararka ayaa waxay intaas ku darayaan in tababaraha kooxda Barcelona ee Ronald Koeman uu doonayo inuu lasoo saxiixdo weeraryahanka Lyon Memphis Depay kaasoo xagaaga ku imaan kara lacag la’aan, kaddib markii uu diiday inuu qandaraaska u cusbooneysiiyo kooxdiisa reer France.
