Dhoobley(Idaacadda Sanguuni)-Atletico Madrid ayaa iska xaadirisay wareega siddeeda ee tartanka Champions League kaddib markii ay Man United kaga soo adkaatay garoonka Old Trafford 0-1, kulankii lugta labaad ee wareega 16-ka.
Qeybta hore ee ciyaarta ayaa lagu kala nastay 0-1 ay ku hoggaamineysay kooxda martida ahayd ee Atletico Madrid.
Daqiiqadii 41-aad kooxda Atletico Madrid ayaa hoggaanka u qabatay ciyaarta waxaana 0-1 ka dhigay laacibkooda Renan Lodi kaddib markii ay caawin kaga timid saaxiibkiis Griezmann.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Ugu dambeyntii ciyaarta ayaa ku dhammaatay 0-1 ay kaga soo adkaatay Atletico Madrid kooxda Manchester United oo ay ku booqatay garoonka Old Trafford, Atletico ayaa qeyb ka noqotay kooxaha nasiibka u yeeshay inay u gudbaan wareega siddeeda.
Dhinaca kale naadiga Benfica ayaa u gudubtay wareega siddeed dhammaadka ee tartanka Champions League, kaddib markii ay celcelis ahaan labada lugood ee wareegan kaga adkaatay Ajax 2-3.
