Dhoobleey(Idaacadda Sanguuni)-Atletico Madrid ayaa lagu soo waramayaa inay ka fiirsaneyso inay David de Gea kala soo wareegto Manchester United .
Goolhayaha khabiirka ah ayaa xirfadiisa ciyaareed ka soo bilaabay Atletico isaga oo 84 kulan u saftay kooxda kowaad ee Red iyo Whites ka hor inta uuna u wareegin Man United xagaagii 2011kii.
Waxaa jira hubanti la’aan ku hareeraysan mustaqbalkiisa kooxda, inkastoo, qandaraaskiisa haatan uu dhacayo sanadka soo socda.
Si kastaba ha ahaatee, kooxda ayaan weli go’aan kama dambeys ah ka gaarin mustaqbalkiisa, iyadoo tababaraha kooxda Erik ten Hag la rumeysan yahay inuu ka fikirayo inuu u dhaqaaqo lambarka koowaad ee cusub.
Sida laga soo xigtay Fichajes , Atletico ayaa si dhow isha ugu haysa xaalada, iyadoo kooxda ka dhisan caasimadda ay ka fiirsaneyso inay dib ula soo wareegto xiddiga reer Spain beeca xorta ah.
