Dhoobley(Idaacadda Sanguuni)-Arsenal ayaa isku diyaarinaysa kulan adag oo ka tirsan horyaalka England Premier League oo ay la ciyaari doonto Manchester City Axada.
Labada kooxood ayaa kulanka soo galaya iyaga oo ciyaaray kulamadii champions League ee bartamihii todobaadka.
Arsenal waxa ka maqnaa Goolhaye David Raya kulankii Girona ee champions League Mikel Arteta ayaana shaaciyay sababta.
Arteta oo arintas ka hadlay ayaa yidhi”Raya ma awoodin in uu ciyaaro kulanka, dhaawac ayuu ahaa”.
“Waxa aanu qiimayn doonaa xaaladiisa ka hor kulanka Axada si aan u aragno waxa dhaca”.
Warkan ayaa dhirbaaxo ku ah Arsenal marka la eego in uu Raya yahay xiddiga ugu muhiimsan kooxda.
