Dhoobley(Idaacadda Sanguuni)-Tababaraha kooxda Arsenal ee Mikel Arteta ayaa daaha ka qaaday war xun oo ku saabsan mid ka mid ah ciyaartoydiisa kadib guul adag oo ay shalay ka gaadheen kooxda Shakhtar kulan ka tirsan tartanka Champions League.
Labada kooxood ayaa ku kulmay wareega 3-aad ee tartanka Champions League, waxaana 1-0 ku badisay Arsenal.
Tababare Mikel Arteta ayaa lagu qasbay inuu bedel ku sameeyo daqiiqadii 72aad, ka dib markii uu dhaawac soo gaaray Riccardo Calafiore.
Calafiore ayaa u muuqday mid dhutinaya waxana uu dalbaday in la badalo taas oo Arsenal ku abuurtay walaac ka hor kulanka ay Axada la ciyaari doonaan Liverpool wareega 9-aad ee horyaalka premier League.
Arteta oo ka hadlaya xaalada xiddiga ayaa yidhi”Ma garanayo heerka ay gaarsiisan tahay.”
