Dhoobley(Idaacadda Sanguuni)-Taageerayaasha Arsenal ayaa si weyn ugu farxay tababarkii ugu dambeeyay ee kooxda ka hor kulanka PSG ee Champions League.
Waxa tababarka buuxa ku soo laabtay saxiixa cusub ee Mikel Merino kaas oo isha ku haya in uu kooxdiisa u ciyaaro kulankiisii ugu horeeyay.
Merino ayaa ku biiray Arsenal maalintii ugu dambaysay suuqii kala iibsiga xagaaga isaga oo ugu soo biiray heshiis 32 milyan ah.
Si kasta ha ahaatee xiddiga ayaan wax kulan ah u ciyaarin kooxda 1-aad sabab la xidhiidha dhaawac soo gaadhay xiddiga tababarkiisii ugu horeeyay.
Laakiin Merino ayaa ka soo muuqday tababarka kadib markii uu ka soo kabsaday dhaawacii garabka ahaa ee soo gaadhay.
Arsenal ayaa isku diyaarinaysa kulanka adag ee ay la ciyaari doonaan kooxda PSG tartanka champions League.
